HINDI magawang tignan ni Daimon ang kanyang kapatid na si Lander na nasa loob ng ICU sa isang private hospital sa Tarlac. Matapos itong ma-confine ng dalawang linggo sa Tarlac Provincial Hospital, minabuti na niyang ilipat ito sa private hospital dahil naaawa na siya sa kalagayan nito.
Ang kuwento sa kanya ni Tita Isabel ay biglaan daw ang pagkakasakit ni Lander. Palagi kasi itong umiinom ng alak at naninigarilyo. At hindi na rin ito kumakain. Hanggang sa bigla na lang daw itong bumagsak at namimilipit sa sakit ng tiyan, tagiliran at dibdib. Idinala ng mga ito sa albularyo ang kanyang kapatid dahil sa kawalan ng pera. Ang sabi ng manggagamot ay pinaglalaruan daw ito ng masasamang espiritu. Ngunit ilang araw ang nakakaraan ay mas lalong tumindi ang pagkakasakit ni Lander kaya isinugod na d
