NAGISING si Katarina sa malakas na pag-iyak ni Jay R. Naiinis na bumangon siya sa kanyang higaan at pinuntahan si Lander. Nasa kusina pala ito na nagluluto ng breakfast nila.
Binuhat niya si Jay R at ibinigay dito ang bote nito na may natimpla ng gatas.
“Pasensya na, Love. Ipinagluto kita ng pritong itlog at meat loaf,” nakangiting sabi nito sa kanya.
Ibinaba niya sa bagong bili niyang duyan si Jay R. Pinaikot din niya ang electric sa tabi nito bago niya ayusin ang kanyang buhok. Itinali niya iyon paitaas bago siya nagtungo sa lababo para makapaghilamos.
Niyakap siya ni Lander sa kanyang likod. Inamoy pa nito ang batok niya.
“Mahimbing ba ang naging tulog mo, Love?” mahinang tanong nito sa kanya.
Naiiritang inilayo niya rito ang sarili. Umupo siya sa silya at nagsimulang kumain.
“Pa
