Pilit na iwinaksi ni Khara ang kaba na kanyang nararamdaman habang nakatingin kay Levi.
“Mabuti pumayag si Kuya Lander na magsuot ka ng ganyang klase ng damit, ate?” mahinang tanong nito sa kanya. Inilapag nito ang stainless tray na hawak nito sa lamesa.
“Ha? Ano kasi…” Hindi niya alam kung ano ang kanyang isasagot dito. Conservative kasi siya sa kanyang sarili kaya ganoon na lamang ka-over protective sa kanya si Lander noon.
“Okay ka lang ba, ate?” nag-aalalang tanong nito nang mapansin na hindi siya mapakali sa harapan nito. Panay ang sulyap niya kay Daimon na nakatingin sa kanya. Tapos ng mag-perform ang mga ito at bumaba na rin ng stage para makipag-picture taking sa mga fans.
Hinawakan ni Khara ang kamay ni Levi at hinila ito palayo sa mga tao. Nagtatakang sumunod naman si Levi sa
