BINABA ni Travis Rigor ang linya ng kanyang telepono. Si Sylvia Monton ang kausap niya. Tumawag ito para ipaalam sa kanya na pumapayag na ito sa alok niya para i-atras lang nito ang kaso. Ngayon, solve na ang problema niya kaugnay dito.
Ang tungkol sa TR shipping na lang ang kinakaharap niya na problema sapagkat tuluyan ng pinasara para sa imbestigasyon. Delikado ang lagay niya dahil bukod sa pwede mawala ang negosyo niya ay pwede rin siya makulong.
Pirma niya mismo ang nakalagay sa papeles na pinapahintulatan niya ihatid ng barko ang illegal na droga , pati na ang mga endangered specie na mga hayop. Araw-araw siyang nagmo-monitor sa operasyon ng kanyang shipping business pero hindi na kailangan na siya mismo ang pumirma sa permit dahil pwede na ang manager na gumawa niyon.
May gumaya b
