NANGANGALAITI sa galit si Travis Rigor habang hawak ang notice na under investigation ngayon ang TR shipping at kailangan muna ipasara. Kung sakali na magtatagal ng isang buwan ang imbestigasyon ay siguradong bilyong-bilyong pera ang mawawala sa kanya. Isang araw pa nga lang na ma-paralyze ang operasyon ay malaking kalugihan na.
May underground illegal shipment daw ang kanyang kompanya. Nahulihan ang barko ng ilang kilong droga na inilagay sa loob ng isang figurine. Idagdag pa ang shipment ng mga endangered species na mga hayop.
Wala siyang ideya na may ganoong gawain sa kanyang barko. Dalawang bagay lang ang posibleng nangyari – may nanabotahe na naman sa kanyang negosyo o may mga empleyado na naman na nagtraydor sa kanya. Kung tama ang kanyang huling hula ay pwede na mataas ang ranggo
