Sinulit nina Vulcan at ang iba pa nilang mga kaibigan ang biglaang reunion nila. Nag-inuman sila hanggang kaya nila. tiningnan ko nga oras sa suot kong relo. Alas-diyes na ng gabi at maaga pa para umuwi. May kasama naman kaming bodyguard kaya naman kahit maglasing ang mga asawa namin ay hindi kami namomoroblemang mga babae. May magbubuhat sa mga lasing naming mga asawa at may magmamaneho ng sasakyan namin pauwi.
Kami naman na mga babae ay nag-enjoy sa walang katapusan na kwentuhan namin. Kung saan-saan na lang napunta ang usapan namin dahil kung ano-anong topic din kasi ang binubuksan nila na hindi matapos-tapos kaya hindi rin namin namalayan ang oras.
Maaga rin kasing umalis ang mga bisita nina Ate Farrah dahil ang iba ay malayo pa ang biyahe at ang iba ay may pasok pa sa trabaho. Bale
