Umaga, naisipan kong mag-check ng CCTV. Hindi ko naharap kagabi dahil sa sobrang pagod ko sa maghapong biyahe mula Baguio City to Cebu. Nag-land transportation kami patungong paliparan sa Manila. Tapos ilang oras na biyahe sa himpapawid. Land transportation ulit nang makakaba kami ng Cebu City dahil medyo malayo sa city ang lugar na gaganapan ng business convention namin ng ilang araw.
Mabuti na lang at okay na ulit kami ni Malzia kagabi. Inspired ako ngayong araw at tila kakayanin ko kahit abutin pa ng madaling-araw ang unang araw ng business convention namin dito sa Cebu.
Binuksan ko ang laptop ko at agad na nag-sign in ako sa account na ginawa ni Erwin sa akin para silipin ang footage kahapon. May isang oras ako para panoorin ito dahil mga alas-diyes pa naman kami tutulak ni Jake para
