TAWANG-TAWA si Chase sa hitsura ni Camilla nang igiit niya na kambal ang magiging baby nila. Maaring natatakot ito kaya inalo rin niya nang mangiyak-ngiyak. Kinurot pa siya nito sa tagiliran nang lapitan niya. Nakaupo na ito sa kama at walang damit, ayaw pa magbihis.
“Kainis ka! Isang baby nga lang, hirap na hirap na ako!” maktol nito.
“You should be thankful. Isahang hirap lang, dalawang baby kaagad,” aniya.
“Paano kung parehong babae ang kambal? Bubuntisin mo ulit ako?”
“Ah, let’s pray for a baby boy.”
“Mukha mo! Hindi ka nga marunong magdasal!” singhal nito.
He laughed. Camilla acted childish, and he loved it. “Okay, relax na. Magbihis ka na nang makapagpahinga ka. Ako na ang magluluto, okay?”
Tumango lang ito.
Lumabas naman siya. Sinalubong niya si Charlie na kagigising at naka
