PAGDATING ng bahay ay sinalubong na sila ni Charlie. Tumalun-talon pa ito nang makita ang tatay. Nang makababa sila ay kaagad yumakap ang bata kay Chase.
“Daddy! Daddy!” napapapiksi pa nitong sambit.
“Hey! You’re exaggerated, buddy,” ani Chase.
“Miss na po kita, Daddy!”
“I missed you more, duds!” Binuhat na nito si Charlie at naglakad papasok ng bahay.
Si Camilla naman ay nilapitan pa si Maya na naliligo sa pool. Underwear lang ang suot nito. Ibibigay na niya ang sahod nito na arawan.
“Maya,” tawag niya rito.
Napaahon naman mula sa tubig si Maya. In fairness, ang ganda ng katawan nito. “Dumating na pala kayo. Akala ko gagabihin pa kayo kaya hindi muna ako umalis,” sabi nito.
“Sinundo na ako ni Chase.”
“Ah, dumating na rin si Chase? Si Yoshin kaya?” Umaliwalas ang mukha ni Maya.
“
