HINDI pinansin ni Camilla ang mensahe ng kaniyang ama matapos mapaamin na tama ang hinala niya. Pinasusundan pala sila nito sa tauhan. Tama si Chase. Pero lalo lamang siyang inalipin ng takot.
Matutulog na sana siya ngunit biglang sumampa ng kama si Chase. Isiniksik nito ang sarili sa tabi ni Charlie na mahimbing na ng tulog. Malaki naman ang kama pero sa laki ni Chase, halos kalahati dapat ang mapunta rito. Malikot pa si Charlie kaya kailangan may maluwag na espasyo.
“Bakit diyan ka?” kunot-noong tanong niya sa binata.
“I want to sleep with Charlie,” tugon naman nito. Brief lang ang suot nito kahit malamig sa silid.
“Mahirapan tayo kumilos dahil masikip. Once naglikot si Charlie, pareho tayong matatamaan ng mga kamay niyan sa mukha.”
“He can’t move if we’re here. Yayakap lang siya sa
