PUMASOK pa rin sa trabaho si Camilla pero nalipat ang duty niya sa hapon, alas-dos hanggang gabi na. Iniwan nga ni Chase ang kotse nito at iyon ang kaniyang ginamit. May driver na siya at dalawang bodyguard.
“Huwag n’yo na akong samahan sa loob ng ospital. Dito lang kayo sa labas,” sabi niya sa bodyguard. Kasama roon ang agent na si Marlon.
“Pero kailangan n’yo pong magsuot ng tracking device, ma’am. Utos po ito ni Boss Chase para ma-monitor namin ang location n’yo,” sabi ni Marlon.
“Anong tracking device ba ‘yan?” may iritasyon niyang tanong.
“Ito po.” Pinakita naman nito sa kaniya ang dalawang maliit na bilog na itim at merong clip. “Iipit lang po ito sa tagong parte ng katawan n’yo.”
Kinuha naman niya ang dalawang device at inipit ang isa sa loob ng bulsa ng kaniyang uniform. Ang i
