BAGO ang oras ng tanghalin ay dumating na ang order ni Camilla na three layer cake na spiderman ang design. Napalundag sa tuwa si Charlie nang makita ang cake nito. Isinuot na nito ang damit na regalo ni Herald kaya nagmukhang birthday nito ang celebration. Sa tuwing birthday kasi nito ay sinusuotan niya ng spiderman at terno sa cake.
“Mommy, do I need to make a wish before blowing the candle like at my birthday party?” tanong ni Charlie nang makaharap ang cake na sinindihan ang nag-iisang kandila sa tuktok.
“Ah, just thank God for making you a first honor, anak,” aniya.
“Okay.” Pumikit naman ang bata at pinagsalikop ang mga kamay. “Papa God, thank you for making me the first honor. And thank you for the food and visitors who gave me gifts! I love you, Papa God!” usal nito. Pagkuwan ay
