Nang matapos ang huli kong subject sa hapon ay nagmamadali kong nilisan ang silid aralan. Agad akong lumihis ng daan nang makakasalubong ko na ang grupo nila Missy. Hanggat maaari ay iiwasan ko na lang ang mga ito. Napatigil ako sa paglalakad nang harangan ako ng isa sa mga kaibigan nito.
“Hinihintay ka namin tapos iiwasan mo lang kami?” taas kilay nitong turan.
“Ha? Sinong umiiwas?” pagmamaang-maangan ko. Umirap si Missy.
“Sumama ka sa akin, may pag-uusapan tayo,” sabi nito.
“May appointment kasi ako, so baka bukas na lang kung vacant ako ha.” I faked a smile saka mahina kong tinapik ang balikat nito saka ko ito nilagpasan.
“Hoy, huwag mo nga kaming tinatalikuran!” Singhal ng isa sa mga kasama nito dahilan upang mapatigil ako sa paglalakad. Unti-unti na kaming nakaka-agaw ng atensyon
