JANINA'S POV
"Hindi ko talaga lubos maisip na magkaibigan si Justin at sina James eh," kanina pa inuulit na sinasabi ni Yela ang mga salitang iyon. At kanina pa din naglalaro sa isip ko ang isang tanong o ideya.
Iniisip ko kung saan ba nagsimula ang pusta na 'yon?
Sa bar ba? Noong mga panahong kumakanta pa ako sa bar ni James, doon ba ako unang nakita ni Justin? Doon ba nila napagkasunduang pagpustahan ako?
Mukhang hindi, dahil hindi ko naman siya noon nakikita doon. Si James lang ang kilala ko noon. Pamilyar ang mga mukha nina Ethan at Craig pero ni minsan hindi ko pa nakita ng malapitan. Hindi ko talaga noon nakikita si Justin na kasama nila.
Sa Bulacan na nga kami nagkita eh. At bakit nga ba siya nasa Bulacan noon? Nagtatrabaho siya noon bilang supervisor, gayong ubod pala siya
