JANINA'S POV
Pinagmasdan ko ang mukha ni Justin habang natutulog. Nakatulog ako kagabi habang naliligo siya kaya walang nangyari sa first night namin.
Hindi na din niya ako inabala pang gisingin. Meron naman kaming isang linggo para sa honeymoon. Doon na lang kami maglumpuhan.
Sky is the limit. I giggled.
Gusto kong haplusin ang mukha niya, dampian ng halik ang mapupula at bahagyang awang niyang labi. Gusto kong hilain ang makakapal at mahahaba niyang pilik mata. Gusto kong pisilin ang matangos niyang ilong. Gusto kong kagatin at panggigilan ang pisngi niya, labi at leeg.
Maawa ka sa asawa mo, sabi ng isip ko.
Mukhang malalim ang pagkakatulog dahil hindi siya nagising sa pag-iba ko ng puwesto.
Marahil ay pagod na pagod at puyat na puyat siya sa mga nagdaang mga araw. Pinagbawal
