JANINA
"Kumusta ang lakad mo, anak?" salubong sa akin ni nanay. Nagmano muna ako sakaniya bago sumagot.
Dito ako sa kusina dumiretso para makainom ng tubig. Nanuyo ang lalamunan ko sa buong biyahe. Nakakapagod ang araw na ito.
"Ayos naman po, 'nay," sagot ko saka binuksan ang ref at nagsalin ng malamig na tubig sa baso. Uminom ako bago muling hinarap si nanay.
"Okay na po ang ilang requirements ko. Nakuha ko po ang TOR ko, NBI clearance at Medical," kuwento ko sa kaniya. Tipid siyang ngumiti at tumango.
"Hmmm." Napaisip ako kung sasabihin ko ba sa kaniya na sinamahan ako ni Justin sa buong araw na lakad ko. Hindi ko kasi ugaling maglihim sa kaniya, halos lahat ng kilos ko ay pinapaalam ko sa kaniya. Tumikhim ako. Hindi lang siya nanay para sa akin. Bestfriend ko na din siya. Magka
