JUSTIN
Muli kong pinulot ang celphone ko upang silipin kung may dumating na bang mensahe mula kay Janina. Bumuntong hininga ako sa pagkakadismaya. Wala pa din siyang text.
Hindi naman naka-silent ang phone ko pero hindi ako nakuntento dahil talagang paulit-ulit ko itong sinisilip. Nailing ako.
Malala ka na, Justin.
Alas-dose na ng tanghali pero kahit si Jonna ay hindi din nag-re-reply. Pang-limang mensahe na ang na-send ko para sa kaniya pero hindi tulad ng dati na mabilis pa sa alas-kuwatro agad nag-re-reply.
Kakaiba ang araw na 'to. Kung ano-ano'ng mga senaryo na ang naiisip ko. Si Janina lang ang tanging laman ng isip ko habang narito ako sa trabaho.
Nasa munisipyo kaya siya ngayon?
Kompleto na kaya ang mga requirements niya? Mapapasa na ba niya bukas at makakapagsimula na s
