Amber’s POV
Nagising ako kinaumagahan nang marinig ko ang panay tunog ng aking alarm clock. Hindi ko pa nga iyon nabuksan nang maramdaman ko ang biglaang pagsinag ng araw sa aking mga mata. Ayaw ko pang gumising pero dahil sa matinding liwanag ay wala akong ibang magawa kung hindi ang sapilitang imulat ang aking mga mata.
“Ano ka ba, Amber. Hindi ka ba papasok? Akala ko gising ka na dahil kanina pa ito panay tunog ang alarm clock mo pero nakahilata ka pa pala riyan. Wala ka bang planong pumasok?” ang talak ni nanay ang unang bumungad sa aking pandinig. Hindi na ako nagulat pa sa boses niya gayong nasanay na naman ako.
Muntik ko nang nakalimutang wala nga pala akong pasok ngayong araw. Tama nga ang mokong na ‘yon, matinding pagod ang natamo ko dahil sa galaan kagabi. Siguro kung papasok
