Amber’s POV
“Tapos ka nang maglinis? Ang bilis naman yata? Parang kakaakyat mo lang, ah?” bungad sa akin ng housekeeping manager nang mapansin niya ang muling pagpasok ko sa opisina.
“Sir, pwede po bang sa ground floor na lang po ako?” tanong ko sa kaniya.
Nakatingin lang ito sa akin kaya kaagad ako umiwas lalo pa at maaaring mapapansin niya ang mga mata kong alam kong kapansin—pansin pa rin ang pamamaga dahil sa matinding pag—iyak ko kanina sa loob ng opisina ni Luke.
“May problema ba? Hindi ba at sanay ka na naman sa head office?” tanong nito sa akin.
Hindi ko na alam pa kung ano ang gagawin kong rason sa sandaling ito. Hindi ko alam kung sasabihin ko ba sa kaniya ang totoo. Pero ano naman ang sasabihin ko? Sasabihin kong nag—away kami ni Luke, ang anak ng CEO nitong kompanya, nag—a
