Luke’s POV
“Akala ko ba matinik ka, bro? Parang kumukupas na yata ang angking kapangyarihan mo sa mga babae?” rinig kong wika ng kaibigan ko mula sa kabilang linya.
Ang aga—aga at napatawag siya. Masisira na naman ang umaga ko nito. Umigting ang panga ko habang ang atensyon ko ay nakatuon lang sa malawak na siyudad mula rito sa aking opisina. Hindi rin mapakali ang aking tuhod habang nakaupo ako sa swivel chair at kanina pa iyon panay galaw na animo’y may ibang pinapahiwatig.
“Makukuha ko rin ang loob niya at makikita mo. Wala ka na bang ibang sasabihin? Nasa opisina ako kaya pwede ba, huwag mo muna akong tawagan,” halata sa aking boses ang pagkabuwesit.
Rinig na rinig ko ang tunog ng marahang pagngiti niya mula sa kabilang linya. “Ano, pustahan tayo? Kapag napaakit ko siya, akin siya?
