Nagising kami ng marinig namin ang sunod-sunod na tawag. Tiningnan ko ang oras sa cellphone ko at nakita kong pasado alas dose ng madaling araw na.
Bumangon si Lester upang sagutin ang tawag. “Hello, Dad.”
Si Daddy ang tumatawag sa kanya ng alanganing oras kaya hindi ko napigilan ang lumapit sa kanya. Ang daming masamang pumapasok sa isip ko.
“What! Nasunog ang warehouse!” Sigaw ni Lester.
Tumingin ako kay Lester. Gusto kong tanungin siya ngunit hindi ko ako makasingit sa usapan nilang dalawa ni Daddy. Ang lakas ng kabog ng dibdib ko dahil sa masamang balita na narinig ko. Hindi na rin maipinta ang mukha ni Lester.
“Okay, babalik ako ng Manila ngayon.”
Pinutol ni Lester ang tawag at tumayo ito at nagmamadaling pumasok sa banyo.
“Honey!”
Ngunit hindi niya ako pinakinggan sa sinabi k
