Kanina pa tumutunog ang cellphone ko ngunit hindi ko ito pinapansin. Hinihila pa kasi ako ng antok. Hindi pa ako masyadong nakatulog dahil sa madaling araw na natulog ang bunso namin anak.
"Honey, sagutin mo na ang tumatawag sa'yo baka importante," bulong ni Lester sa'kin.
Nakayakap siya sa'kin nang mahigpit, tulad ko ay tinatamad siyang bumangon sa higaan. Pikit ang mga mata ko na kinapa ang cellphone ko sa ibabaw ng table. Sinagot ko ang tawag nang hindi ko binasa kung sino ang tumatawag sa'kin.
"Happy birthday!" sigaw ni Tiffanie.
"Sinong may birthday?"
"Gaga! Sino pa ba ang tinawagan ko ngayon para batiin ko?"
"Ako ba?"
"Hays! 'wag mong sabihin na nakalimutan mo ang birthday mo?"
Tuluyan na akong gumising, at sinadal ko ang likod ko sa headdress habang kausap si Tiffanie. Ang
