CHARLIE
PANAY ang iwas ko ng tingin kay Kaleb dahil nakaupo ito sa tabi malapit sa akin habang nakaharap sa hapag-kainan. Sabay-sabay kaming nag-almusal nang umagang iyon. Ang mga magulang ni Garrett ay kagabi pa bumalik ng Maynila dahil may mga aasikasuhin pa sila roon.
Nasa dulong bahagi ng lamesa nakaupo si Lolo Donato habang nasa kanang bahagi naman nito si Lola Andeng katabi si Stephanie, ang apo ng matalik na kaibigan ni Lola Andeng.. Sa kaliwang bahagi naman naroon nakaupo si Garrett habang ako naman ay nasa tabi niya. Habang si Kaleb ay nasa kabilang dulong bahagi ng lamesa katapat ni Lolo Donato.
"Maayos naman ba ang naging tulog mo, Charlie?" basag ni Lola Andeng sa katahimikan.
"A-Ayos naman po, Lola."
"Hindi ka ba nanibago? Aywan ko ba naman sa inyo kung bakit hindi pa ka
