PAGKATAPOS nang naging pag-uusap ay hindi na nagawa pang tumayo ni Athena mula sa kinauupuan. Nakaalis naman na ang abogado at maging si Gil. Nag-iisa na lamang siya sa buong silid at napakalalim ng iniisip. Ilang minuto na ring pumapatak ang kaniyang mga luha, hinahayaan niya lamang iyong tumulo. Mugto na ang kaniyang mga mata ang hinang-hina sa mga narinig na mabibigat na salita mula sa isang Gillermo Sebastian. Hindi niya akalaing ganoon bigla ay magbabago ito ng pakikitungo sa kaniya, at hindi niya maintindihan kung ano ang puno at dulo nito sa biglang pag-apela. Ngunit sa kabilang banda ay may punto ang mga sinabi nito, hindi araw-araw ay may tutulong sa kaniya sa kumpanya sa oras na magbalik siya bilang president nito. Ano na lamang kaya ang dapat niyang gawin ngayon?
Hindi niya na
