“ANO NAMAN ang ginagawa ng kargador?” tanong ni Lucas kay Angelo nang matapos silang makipag-usap sa isang matandang lalaki na ayon sa kaibigan ay siyang nagmamay-ari ng isang malaking puwesto sa loob ng palengke. Si Angelo ang nakipag-usap sa matanda samantalang nakikinig naman siya sa usapan ng mga ito. Doon ay narinig niyang tinatanggap sila ng ginoo bilang kargador. Kaya naman naitanong niya ito sa kaibigan.
“Taga buhat ng mga sako-sakong bigas at mga gulay naman sa kabilang pwesto nito. Dalawa kasi ang puwestong pagmamay-ari ni Kuya Fred,” tugon ni Angelo na tinawag na Fred ang ginoong nakausap at siyang kanilang magiging amo sa pagiging kargador.
“Oh, hindi naman pala mahirap.”
“Akala mo lang.” Tumawa ang lalaki at kinuha ang bayong na puno na ng mga pinamili. “Halika nan ga, b
