Ace
AiTenshi
Feb 21, 2017
Part 27: Laro ng Pag Ibig
"Ma, nasaan si kuya?" ang tanong ko noong magising.
"Kanina pa umalis si Samuel, finals ng liga nila mamayang tanghali. Ang bilin nya sa akin ay gumayak ka raw at dadaanan ka rito si Mark. Huwag kang tatakbo o lulundag sa gate at huwag kang pasaway. Yun ang sabi ng kuya mo." ang wika ni mama habang abala sa pag babake ng cookies.
"Ma, ang sarap naman niyan." ang natatakam kong bati habang gumapang ang kamay sa mga gawa ng tinapay.
"Hep hep, maraming pag kain doon sa ref. Dadalhin ko ito sa opisina. Kumuha ka nalang ng iba doon." ang wika ni mama sabay tapik sa aking kamay.
"Damot damot naman." bulong ko naman.
Masaya ang mga araw na lumipas sa buhay namin ni kuya Samuel, habang tumatagal ay patibay ng patibay
