DINAAN ko sa tawa ang nararamdamang kakaiba sa sarili. Dinig ko ang paghuhurumentado ng puso ko.
"Nahihiya ka pa. Sige na nga, ako na magsasabi! Favorite color ko, violet. Sa food, mahilig ako sa sinigang na baboy. Ang totoo gusto ko talaga ng sweets pero nakakaya ko naman kontrolin. Dark chocolate ang gusto ko lalo na ang Toblerone. Sorry ha? Iyon lang kasi ang alam kong mahal na brand ng chocolate sa ngayon," sabi ko at natawa ng sumulyap sa kanya.
Nakatitig lang si Daxton sa akin. Nagpatuloy ako sa pagsasalita habang nakatingin sa lupa.
"Sa bulaklak? Tulad ng iba rosas din. Sa perfume? Aficionado gusto ko. Alam mo ba 'yon? Hindi 'yata kasi international brand ang alam mo. Gawa ni Joel Cruz 'yon, pinoy." Natatawa kong sabi.
Muli, wala siyang pinakitang reaksyon pero titig na titig pa
