KASALUKUYANG nagpapatulog si Karmina ng anak niya sa loob ng kanilang kwarto nang mapansin niyang wala pa ang kanyang kapatid na si Judy. Alas-nuwebe na ng gabi at napatingin na lang siya sa bahagyang nakabukas na bintana ng kanilang kwarto at napa-isip.
“Saan na naman kaya nagpunta ang isang iyon?” sabi niya sa sarili at wala siyang ibang maisip na gagawin ng kanyang kapatid kundi ang landiin si Grance. Napabuntong-hininga na nga lang siya at napangiti.
Sa kabilang kwarto naman ay mahimbing nang natutulog si Lolo Terio at katabi nito ang kanyang android phone na nakalimutan niya pang patayin. Makikita nga sa bukas na screen noon ang kanyang nilalarong solitaryo na hindi na niya nagawang tapusin.
Sa kabilang bahay naman ay kapwa nakahiga na sina Bornok at Trixie sa kanilang hig
