NAPASERYOSO na lang si Heath nang makita ang mortal na nagawa siyang suntukin sa kabila ng kapangyarihang tinataglay niya. Gaya ng nasa isip niya, dalawa lang ang naiisip niyang pwedeng pumatay kay Senz, una ay si France at ang pangalawa…
Napa-iling si Heath na mabilis na tumayo matapos iyon. Imbis na pangunahan siya ng galit sa nilalang na sumuntok sa maganda niyang mukha ay pagkabigla ang nangibabaw sa kanya. Sa pagkakaalala kasi niya ay wala na dapat kapangyarihan si Evolh nang makarating ito sa mundo ng mga mortal. Gaya ng naalala niya noon. Noong iligtas nito ang isang babaeng pinagtangkaan niya nang masama ang buhay.
Tama! Hindi niya makakalimutan ang araw na iyon, nalaman niya kung ano ba o sino ang palaging pinupuntahan ng kanyang bunsong kapatid. Palagi niya itong nakikitang sak
