Sa bahay ng kambal kami dumiretso pagkagaling namin ng airport. Magproprotesta sana ako dahil gusto ko sana sa bahay namin sa La Union dahil gusto kong makasama ang pamilya ko. Ngunit naisip ko na pahirap iyon sa kambal lalo na at magsisimula na sila sa pagsuyo sa akin. Malayo ang Taguig sa La Union, gusto ko man silang pahirapan sa pagsuyo sa akin kaya lang naisip ko na marami na silang pagod at isinakripisyo noong hinahanap pa lang nila ako sa Chicago. Ayaw kong dumagdag pa sa stress na nararamdaman nila dahil grabeng sermon na ang natamo nila sa kanilang ama simula nang manggaling kami sa airport hanggang makarating na kami ng bahay nila.
Marami silang trabaho na pinabayaan. Tapos may mga investor na hindi nila in-entertain dahil mas inuna nila ang pagpunta at paghahanap nila sa akin
