SA Paris ay walang pagsidlan ang kaligayahan si JM. Wala siyang kapaguran sa paulit-ulit na pag-angkin sa kanyang asawa. Sisiguraduhin niyang bago sila bumalik ng Pilipinas ay may laman na ang tiyan nito.
Patutunayan niya kay Marcus Ortega kung ano ang kayang gawin ng isang Montemayor.
“Nasaan pala ang sinasabi mong anak natin?” Tanong ni Cassandra, nagtataka lang siya bakit hindi niya nakikita ang anak daw nila?
“Nasa Pilipinas, baby.” Iniabot ni JM ang kanyang wallet at hinugot doon ang picture nilang dalawa ni Harry.
Naluluhang kinuha iyon ni Cassandra at saka pinagmasdan. Totoo nga na anak pala niya talaga ang batang ’yon. Iyon ang picture ng anak niya na palagi niyang tinitingnan noong magising siya mula sa coma.
“Ilang taon na siya?” tumutulo ang luha na tanong pa niya sa asawa.
