“LET’S proceed,” wika ng pari na nasa harap nila.
Pero ang isipan ni JM, wala sa mga sinasabi ng priest kundi nasa kaniyang bride. Hindi pa rin siya makapaniwala na ikinakasal silang muli ni Gianne.
Ang wedding ceremony ay tumagal nang halos forty minutes at sa buong duration n’on ay tila wala pa rin sa sarili si JM. Kung hindi pa sila binati ng mga tao sa paligid, hindi niya mamamalayang tapos na pala ang kasal. Saka pa lang siya nakakilos. Mabilis niyang hinawakan ang kamay ng babaeng ngayon ay asawa na niyang muli.
Pumasok sa isipan niya ang nakalagay sa e-mail na pagkatapos ng kasal ay magpunta na agad sila sa airport. Pero paano nila iiwan ang mga tao na sumaksi sa kasal nila. Kawalang respeto naman siguro sa lahat kung basta sila aalis. Kaya nagpasya na manatili muna sila doon s
