Medyo malayo layo na din ang aming nilakad, akala ko mag rereklamo si Master na napapagod na siya. Ni isang salita ay wala akong narinig. Tanging paghinga ng malalim ang aking naririnig sa kanya marahil ay nakakaramdam na siya ng pagod. Bigla akong huminto sa paglalakad at bumaling kay Master na medyo humahabol na nang kanyang paghinga. Naalala kong hindi pa pala dapat maglakad si Master ng matagal, hindi niya rin dala ang kanyang baston kaya kung sumakit man ang kanyang paa at binti ay ako malalagot.
"Master magpahinga muna tayo" wika ko habang nakatingin sa kanya.
"Why? Malayo pa ba?" Tanong niya na panay ang paghinga niya ng malalim.
May kumpol ng kawayan na nasa tabi namin kaya naman pumutol ako ng isa. "Bagong hasa itong itak ni tatay, ang talim" sagot ko habang binabali ang kawaya
