NAGISING si Ninia sa isang berdeng-berdeng silid. Panay berdeng kurtina ang nakikita niya nang mga sandaling iyon at wala siyang makitang tao sa paligid. Saglit siyang nag-isip kung nasaan siya nang bigla siyang matigilan. Hindi siya maaaring magkamali. Amoy ng ospital ang naaamoy niya. Bigla ay napabalikwas siya ng bangon nang maalala ang nangyari. Parang gusto na naman niyang mag-hysterical kagaya kanina.
"Gising na siya!" Narinig niyang sabi ng tinig ng kanyang Mommy. Kapagdaka'y naghagilap ang kanyang mga mata. Nakita niya itong palapit kasunod ang kanyang Daddy. Naroon din sina Brix at Mica.
"Mom…" Hindi pa man ay umiiyak na siya. Malinaw na bumalik sa alaala niya ang nangyari kay Alexis at talaga namang halos panginigan siya ng laman. Naiiyak na nilapitan siya ng mga magulang. Ka
