"ANO, sasama ka ba sa amin?" masayang tanong ni Mica habang hinihintay ang kanyang sagot. Kakain daw sa labas ang mga ito kasama ang Mama at Papa niya para i-celebrate ang pagkakatanggap ni Brix sa isang prestihiyosong University sa Makati. Maging si Travis at Catherine diumano ay kasama ng mga ito kaya pinipilit din siya ng kaibigan. Isang linggo na ang nakararaan buhat nang ianunsyo nito at ni Brix sa kanilang pamilya na mag-nobyo na ang mga ito. Ang totoo ay hindi na siya nagulat doon. Alam niya ang lahat ng nangyayari sa bestfriend at kapatid niya kaya alam niyang sa huli ay magiging mag-nobyo nga ang mga ito. Wala namang porblema roon. Isa man sa pamilya niya ay wala namang may ayaw kay Mica. Ang totoo ay malapit pa nga ang kanyang Mama Carmelita dito. Anito ay mas maganda raw dahil d
