KUMALABOG ang kanyang puso at gumapang ang kilabot sa kanyang buong katawan nang biglang umangat paitaas ang hintuturo ng kanang kamay ni Alexis. Naalala niya bigla ang sinabi ng kanyang Mommy na kahit daw comatose ang isang pasyente ay naririnig nito ang mga tao sa paligid kaya sinamantala niya ang pagkakataon. Baka sakali ngang naririnig siya ni Alexis ay pakikiusapan niya ito.
"Lex, gumising ka na, Babe. Maawa ka sa akin. Miss na miss ka na namin ng anak natin," aniya habang pisil ng mahigpit ang kamay nito. Ngunit ang nararamdaman niyang pag-asa kanina na baka magising na ito ay napalitan ng takot at pangamba. Bigla kasing nanginig si Alexis na animo nag-se-seizure na hindi niya maintindihan. "Lex? Oh my God! Ano'ng nangyayari sa 'yo?!" Hindi niya malaman ang gagawin. Tumayo at umupo
