PAGKATAPOS makapag-isip ng mabuti ni Alexis ay napagdesisyunan niyang sabihin sa mga magulang ni Ninia ang tungkol sa mga taong nadatnan ni Travis sa bahay ng mga ito, at nagsasabing tunay na mga magulang ng dalaga. Naisip kasi niyang baka may kinalaman ang pagkawala ni Ninia doon. May posibilidad din na dinala ni Travis si Ninia sa mga umaako rito bilang anak kaya dapat niyang makausap ang mag-asawang Ocampo. Kung totoo kasing ampon lang ng mga ito si Ninia ay baka alam ng mga ito kung saan nakatira ang mga totoong magulang ng dalaga, at masamahan siya kapag nagkataon.
"Saan ka pupunta, Lex? Wala ka pang tulog, ah. Aalis ka na naman?" puna ng Mama niya nang makitang maagang-maaga siyang bumababa sa hagdanan. Bakas ang pag-aalala sa mukha nito para sa kanya at ayaw niya ang pakiramdam na
