"NO!" Nabalikwas ng bangon si Brix mula sa upuang kawayan nang marinig niyang sumigaw ang babaeng nakahiga sa papag. Hindi niya namalayang nakatulog na pala siya sa kalapit na upuan ng hinihigaan nito. Dali-dali siyang bumangon para daluhan ang babae na noon ay ganap ng nakabangon.
"Miss? Anong nangyari? Bakit ka sumigaw?" nag-aalalang tanong niya rito.
"H-ha?" Napatitig ito sa mukha niya. Ilang sandali itong nawalan ng kibo at nakatitig lang sa kanyang mga mata. "S-sino ka?" Pawisan at hinihingal nitong tanong.
"Ako si Brix." Bahagya niya itong nginitian. Hindi niya alam pero pabilis ng pabilis ang t***k ng kanyang puso habang pinagmamasdan ang magandang mukha ng babae. "Ikaw sino ka? At anong nangyari sa 'yo?"
"H-ha?" Muling napaawang ang bibig ng babae. Ilang sandaling nawalan m
