"WALA kaming alam kung saan matatagpuan ang mga totoong magulang ni Ninia, hijo. Sa isang kumbento namin sila nakuha ni Nancy. Isang buwang gulang pa lamang sila noon. Ayon sa mother superior na nakausap namin, ang kambal ay basta na lang iniwan sa pintuan ng simbahan. Walang pagkakakilanlan at hindi na rin naimbestigahan kung saan talaga nagmula," malu-luha pa ring sabi ni Mrs. Ocampo. Dama niya ang sakit na nararamdaman nito habang nagkukwento. Nawalan siya ng pag-asa. Tuluyan siyang nanlumo dahil sa sinabi ng ginang. Kung ganoon ay wala pala talagang makakapagturo sa kanya kung nasaan si Ninia kung hindi si Travis. Lihim na nagtagis ang bagang niya. Sana ay walang masamang nangyari sa dalaga kung hindi ay baka maisisi niya iyon sa lalakeng 'yon.
"Dad, kumuha ka ng private investigator
