NAGUGULUHAN man sa inasal ng staff ng hotel ay hindi na lamang iyon pinansin ni Ninia. Hinila na rin kasi siya ni Mica kaya hindi na siya nabigyan ng pagkakataong itama ang maling akala ng staff na siya ang ikakasal. Kanina nang paalis sila ay hindi nakaligtas sa paningin niya ang pagtutop nito sa isang noo.
"Nagkamali lang 'yon, huwag mo ng pansinin."
"Pero bakit kilala niya ako, Mics? Ang weird lang dahil alam niyang ako si Mrs. Villarubin. Ano 'yon, nagkataon lang?"
"A-ano kasi...kilala ako nung staff na 'yon. Nasabi ko sa kanya na isa ka sa mga bridesmaid ni Catherine pero soon ay magiging Mrs. Villarubin ka na rin," segunda ni Mica pero duda siya sa sinabi ng kaibigan. Paano nitong makikilala ang staff, e, kadadating lang nila at hindi pa naman sila naghihiwalay ni Mica.
"Paano
