NAPAKAGANDA ng panahon. Asul na asul ang langit at walang makakapal na ulap kaya sigurado si Ninia na malabo ang banta ng ulan. Kaysarap isipin na mamaya lang ay may pag-iisang dibdib na magaganap sa pagitan ng kaibigan nilang si Catherine at ng mapapangasawa nito.
"Mag-ready na ang lahat! Double time tayo!" anang bading na nakatalagang mag-ayos sa kanilang dalawa ni Mica. Nagtaka siya dahil alas dos pa lamang noon ng hapon at alas singko pa ang kasal kaya parang naaagahan siya sa sinabi ng bading na si Aya na kailangan na nilang mag-ready. Nagtataka din siya dahil mukhang nagkamali yata ng pasok ang mga videographer at photographer. Sa halip na sa kwarto ni Catherine pumasok ang mga ito, e, silang dalawa ni Mica ang kinukunan partikular siya dahil sa kanya nakatapat ang halos lahat ng le
