"HI!" Napalingon si Ninia sa may-ari ng tinig na nakaupo sa kanyang tabi.
"Hi. Ikaw pala." Bahagya pa siyang nagtaka nang malingunan si Anna.
"Bakit iniwan mo na sina Susan sa loob?" nakangiti pa ring tanong ng babae.
"Ah, naiinitan kasi ako sa loob. Isa pa'y hindi ko pa naman sila masyadong kilala."
"Ah." Napatango-tango si Anna. "Si Brix kasi, nakipag-inuman pa kina Berting. Nawalan ka tuloy ng kasama." Gustong magtaka ni Ninia kung bakit naging mabait yata ang pakiharap sa kanya ng babae.
"Okay lang. Ikaw, bakit narito ka rin sa labas?"
"Pagod na kasi ako sa pakikipag-usap sa mga 'yon. Isa pa'y natanaw kita rito sa hardin Namin kaya nilapitan kita."
"Nag-iisip kasi ako," kaswal niyang sabi.
"H-ha? Ng ano?" Sandali siyang natigilan at saglit na nag-isip kung dapat ba niyang
