"ANONG ginawa mo, Lex?" tanong niya kay Alexis nang mabalitaan niyang hinuli ng mga pulis si Anna at dinala sa presinto sa bayan. Sigurado siyang ito ang may kinalaman dahil sa dami ng koneksyon nito. Balita sa buong isla na nagtangka pang tumakas si Anna pero nahuli sa akto ng mga pulis kaya pinosasan na kaagad.
"Ginawa ko lang ang nararapat sa kanya, Sweetheart," ani Alexis. Magkakasalo silang apat sa hapunan nang gabing iyon nang katukin ni Berting si Brix at ibalita nga na hinuhuli ng pulis si Anna.
"Pero hindi ba masyado namang mabigat ang parusa kung makulong si---"
"Ninia, naririnig mo ba ang sarili mo? Muntik ka ng mamatay. Muntik ka ng hindi makabalik sa pamilya mo pero naaawa ka sa babaeng 'yon?" Hindi naman makapaniwala si Brix na naaawa siya kay Anna.
"Kasi'y...nagmahal
