"ANG gwapo naman ng mga kaibigan mo, Brix," kinikilig na wika ng isang dalagang naraanan nila sa harapan ng isang tindahan nang ipakilala sila nito bilang mga kaibigan.
"Syempre, pipili ba naman ako ng kaibigang pangit," pabiro nitong sabi pero ang totoo ay gusto na niya itong batukan.
"Magtatagal ba kayo rito, Nick, Alexis?" tanong ng isang dalagang naroon. Napatingin siya kay Alexis at nagpasalamat siya na nakaunawa naman ito. Ito na ang sumagot sa tanong ng babae. Hangga't maaari kasi ay ayaw niyang masalita ng magsalita.
"Mga isang buwan," ani Alexis at gusto niyang matawa dahil pilit na pilit ang ngiti at halatang napipilitan lang na sumama sa kanila ni Brix na mag-ikot sa Isla Matubig. Knowing him, pinaka-ayaw nito sa lahat ay lumalakad ng mainit. Pantalong maong at t-shirt na
