ONE YEAR LATER
ALEXIS
"SWEETHEART, hurry, malapit na tayong ma-late." Nakaabang siya sa may unang baitang ng hagdanan at matiyagang hinihintay ang asawa na bumaba mula sa ikalawang palapag ng mansyon kung saan naroon ang kwarto nilang master's bedroom.
"Andiyan na, Babe!" Napangiti siya nang marinig ang malamyos na tinig ng asawa. Mula noon hanggang ngayon ay hindi siya nagsasawa sa boses ni Ninia. Habang tumatagal ay mas lalo pa nga yata niyang hinahanap-hanap ang tinig nitong lagi na ay parang naglalambing sa kanya. Ilang segundo pa ang lumipas at humahangos na ito papunta sa may punong hagdan. May pagmamadali sa mga hakbang para makababa kaagad.
"Careful," paalala niya dahil nagmamadali ang kilos nito. Inaalala niyang baka mahulog ito sa may kataasang hagdanan. Nakatingala siya ka
