"MASAYA ka ba na nakita mo na ang parents mo, Sweetheart?" Malambing na tanong ni Alexis nang magkatabi na silang nakahiga sa bahay ng Mommy at Daddy niya. Weekend na kaya nagpasya itong doon matulog pagkatapos siyang ihatid kanina mula sa bahay ng mga totoong magulang. Sinabi nila sa Mommy at Daddy niya ang lahat at kagaya ng inaasahan ay umiyak na naman ang Mommy niya. Nag-assume na naman kasi ito na sasama na siya sa totoong pamilya at iiwan ang bahay nila. Mabuti na lang at tinulungan siyang magpaliwanag rito ni Alexis. Sa huli ay mahimasmasan din ito at pumayag na makaharap at makipag-usap kina Carmelita at Gustavo alang-alang sa kalinawan ng lahat. Kung siya ang tatanungin ay gusto niyang magkakilala rin ang mga ito. Mas matutuwa rin siya kung magkakaroon ng pagkakataong maging magka
