HINDI na nag-aksaya pa ng oras si Vance at agad nilang pinuntahan ni Karrim si Leila. Gusto niya ng makausap si Leila hindi lang dahil sa pagpapanggap nitong patay, kundi gusto din niyang masiguro na totoo ba ang sinabi nito na kapatid nito si Rafael.
Pumasok ang sasakyan sa loob ng kakahuyan at huminto sa tapat ng isang barong-barong na bahay. Sabay silang bumaba ni Karrim at ito ang kumatok sa pinto. Ilang sandali bago bumukas ang pinto. Hindi makapaniwala ang mukha ni Leila nang mapagbuksan nito si Karrim. Lalong namutla ang mukha nito nang lumipat sa kanya ang tingin nito.
"H-how..."
"I'm sorry, pero kinailangan kong pasundan ka." Hinging paumanhin ni Karrim.
Naglakad siya palapit rito, ito naman ay humakbang paatras. Huminto siya sa bungan ng pintuan. Halos walang nagbago sa itsur
