NAKATANAW sa kawalan, ito ang bumungad kay Ahnia sa paglabas niya ng silid. Tahimik lamang ang lalaking si Conrado at tila malalim ang iniisip.
Umupo siya sa ika-tatlong baitang ng hagdan at saka pinagmasdan ang binata. Napansin niyang may hawak na naman itong sigarilyo sa kanang kamay. Napailing na lang siya habang nakamasid rito.
Maya-maya ay nagdesisiyon siyang tumayo at lapitan na ang binata, saka naupo sa tabi nito. "A penny for your thoughts?"
Kunot ang noong nilingon siya ni Conrado. Umayos ito ng upo bago muling ibinalik ang tingin sa labas ng kubo.
"Huwag kang magulo." Dinala ng lalaki ang sigarilyo sa bibig at muling hinithit.
Napailing si Ahnia habang nakatingin pa rin sa mukha ng binata. "What are you thinking ba, Kuya Conrado? Is it about what happened to Tita Trina?" bum
