Natigilan silang pareho nang marinig ang mababang tinig ni Ahnia. Pareho silang napalingon sa pintuan at bumungad sa kanila ang dalaga habang mataman ang tinging ipinupukol nito kay Mariah.
Mabilis niyang nilapitan si Ahnia at mahigpit itong inakbayan sa balikat.
"Ahnia... " bulong niya sa pangalan nito, ngunit hindi sa kaniya nakatuon ang atensiyon ng babae, kundi sa dalagang si Mariah.
Nang lingunin niya si Mariah ay nakita niya itong matalim ang tingin sa kanila. Muli nitong sinaklob sa ulo ang itim na belo bago mabilis na humakbang palabas ng bahay. Ngunit huminto ito sa tapat ng pintuan at dahan-dahang nilingon si Ahnia.
Nakaramdam siya ng kakaibang kaba sa paraan ng pagtitig nito sa babae. Nang bumaba ang tingin ni Mariah sa tiyan ni Ahnia ay mabilis niyang hinila patungo sa liku
