MATAGAL na nakatulala si Conrado dahil sa narinig mula kay Gado. Sumilay ang malalalim na gitla sa noo niya habang nakatitig dito. Hindi siya makapaniwala sa narinig. Dati itong magkasintahan ni Mariah? Pero paano?
Maya-maya ay naguguluhan siyang nag-iwas ng tingin at ibinaling sa malayo ang mga mata. Isa-isang nagbalik sa kaniya ang mga alaala kung kailan una niyang nakita si Mariah sa Baryo Crisostomo. Kung totoong dating magkasintahan ang Tiyo Gado niya at ni Mariah, isa lang ang maaaring paliwanag doon.
Unang beses na makita niya si Mariah sa pagbabalik niya sa baryo, nagtaka na siya kung bakit tila hindi man lang tumanda ang hitsura nito. Marami ring pagkakataon na talagang nahihiwagaan siya sa babae. Marami pang katanungan sa isip niya ang hindi na nabigyan ng sagot dahil tila la
